نارووال اسپورٹ سٹی کمپلیکس کیس کے متعلق بات کرتے ہوئے ان کا کہنا تھا کہ ایک سال ہو گیا لیکن نیب ریفرنس میرے خلاف دائر نہیں کر سکا۔ حیلے بہانے کر کے نیب ہر بار نئی تاریخ لے لیتا ہے۔
نارووال سپورٹس سٹی کیس
میں نے کوئی شراب کا اڈہ نہیں کھیلوں کی سہولت بنائی ہے
شراب کا پرمٹ دینا ٹھیک اور کھیلوں کی سہولت بنانا کرپشن ہے؟
ہم کو اس شہر میں تعمیر کا سودا ہے جہاں
لوگ معمار کو چن دیتے ہیں دیوار کے ساتھ pic.twitter.com/Rwlgd8oFl5— Ahsan Iqbal (@betterpakistan) August 26, 2020
ن لیگی رہنما احسن اقبال نے کہا کہ نوجوانوں کو عالمی معیار کی سہولتیں فراہم کرنے کاجرم بار بار کروں گا، کیا شراب کا پرمٹ دینا ٹھیک اور کھیلوں کامیدان بنانا کرپشن ہے۔
احسن اقبال نے کہا کہ آج مسلم لیگ ن کو پاکستان بنانے کی سزا مل رہی ہے۔ ہمارے خلاف ملکی ترقی کرنے کےخلاف ریفرنس بنانے گئے۔ وزیر مواصلات بتائے کہ ڈیڑھ سال قبل بنانے والی جے آئی ٹی کہاں گئی؟
انہوں نے کہا کہ اپوزیشن عمران خان سے کوئی این آر او نہیں مانگ رہی۔ کرپشن کی بڑی پروٹیکشن عمران خان کی حکومت کر رہی ہے اور حکومتی وزیر بڑے بڑے ٹھیکے لے رہے ہیں۔